«STEM – қолданбалы ғылымдар әлемі» апталығы аясында шағын тәжірибелер ұйымдастырылды.

Мектебімізде өтіп жатқан «STEM – қолданбалы ғылымдар әлемі» апталығы аясында оқушылардың ғылымға деген қызығушылығын арттыру мақсатында әр қоңырау уақытын тиімді әрі мазмұнды өткізуге арналған шағын тәжірибелер ұйымдастырылды.

Апталық барысында физика, химия, биология, математика, информатика және география пәндері бойынша күн сайын қызықты демонстрациялық жұмыстар көрсетілуде. Қоңырау кезінде оқушылар қысқа әрі әсерлі тәжірибелер арқылы ғылыми құбылыстардың сырын ашып, олардың өмірмен байланысын байқауға мүмкіндік алды.